1.    Ano ang EARP?

Ang Embassy Assisted Repatriation Program (EARP) ng Embahada ng Pilipinas at ng Kuwait Immigration ay naglalayong pauwiin ang mga Pilipino sa Kuwait na undocumented at distressed, sa tulong ng Assistance to Nationals (ATN) Fund ng Department of Migrant Workers (DMW). 

2.   Sino ang puwedeng mag-apply?

Kwalipikado sa EARP ang mga:

• Undocumented OFW (expired visa o iqama, o wala nang pasaporte)
• Mga OFW na sinampahan ng amo ng kasong absconding o pagtakas sa Kuwait Immigration
• Mayroon nang Article 14 visa o temporary/exit visa mula sa Kuwait Immigration

3.    Ano ang makikuha sa ilalim ng EARP?

Ang mga pasok sa EARP ay makatatanggap ng libreng lipad mula Kuwait hanggang Maynila.

4.    Paano mag-apply?

Kung pupunta sa Embahada at pumunta sa opisina na Migrant Workers Office (MWO) o Overseas Welfare Office (OWO) at magdala ng apat na passport-size photo (asul na background) at, kung meron, ng orihinal na pasaporte o Civil ID.